Velkommen til
.png){kind=small}
* Treningstips |
A-lag * Info |
Tambar Fotball Soccer Live Streaming |
KAMPER NAUSTDAL STADION |
Fredag 11.mai
Mandag 14.mai
Mandag 14.mai
Mandag 21.mai Tirsdag 22.mai |
 TAMBAR FOTBALL |
Snarveg til Tambarlaga 2012: |
| TAMBAR FOTBALL |
 |
|
|
|
10.05.12 Heimesida vert ikkje oppdatert før i slutten av mai
Heimesida til Tambar Fotball vert frå i dag og fram til omlag 25.mai ikkje oppdatert. Dette skuldast Webansvarleg sin årlege studietur, der han skal slite seg gjennom 14 dagar hardt arbeid og studier. Endingar i kalender kan fortsatt meldast til underteikna, og vil då bli oppdatert på vanleg måte. Send mail til underteikna. Resultat og tabellar for laga til Tambar Fotball vil sjølvsagt bli oppdaterte på kretsen sine sider. J11 - sjå resultat
|
08.05.12 Knepne tap for smågutelaget og J11
Resultat kampar: SMG Tambar-Høyang 1-3 J15/16 Tambar-Hyllestad 5-1 J11 Tambar-Førde2 3-5
|
08.05.12 Seier til jentene i første heimekamp
Jentelaget kunne mandag kveld gå av bana med seier i sesongens fyrste heimekamp, og hadde god kontroll på jentene frå Hyllestad. Trenar Jan Magne Langedal har sendt oss fyljande rapport: " Tambar tok imot Hyllestad på Naustdal stadion måndag kveld. Etter 6-6 mot Jølster i førre kamp, var det ein tent gjeng som gjekk på bana, i det ufyselege vårværet. Heimelaget tok tak i kampen frå avspark, og etter 5 minutt sette Iris ballen sikkert inn bak Hyllestad-keeperen. 2-0 kom etter 15 minutt, då Iris og Birgitte spelte vegg, og sistnemnde plasserte ballen utagbart tilside for keeper. Ei vakker scoring. Iris trivst best på den ”raske” heimebana, og var frampå med ny scoring i det 18. minutt. No leia Tambar 3-0, og styrde kampen. Problemet no, var at dei mange sjansane laget skapte, blei misbrukte i form av manglande scoring. Med betre uttelling, ville heimturen for Hyllestad-jentene blitt tung. Hyllestad fekk si redusering i det 28. minutt, då Tambar-forsvaret, som ellers spelte ein god kamp, var i det gavmilde hjørnet. Maria sette inn 4-1 målet i 2. omgang, frå nesten død vinkel. 5-1 var det igjen Iris, som sørga for . Tambar-jentene kontrollerte kampen frå start til slutt. Alle tok ansvar, og jobba godt kampen igjennom. Dette kan bli godt å ta med seg inn mot mandagens heimekamp mot Florø kl.20.30. "
|
.jpg)
06.05.12 Kongleriket Cup trassa snøen
Vi fekk høyre det var mange fortvila fotballspelarar som kunne konstantere at vinteren var komen tilbake i løpet av natta, og som frykta at dei ikkje fekk spele fotball i dagens Kongleriket Cup. Men med brøytemannskap raskt på pletten i dag tidleg, vart bana brøyta fri for snø på ein times tid. Utover dagen vart ikkje været så aller verst heller, og årets første Kongleriket Cup kom vèl i havn denne gongen også.
FLEIRE BILDER KJEM ETTERKVART
|
05.05.12 Resultater kampar denne veka
G11: Det var to jamne lag som møttes til kamp, då Tambargutane tok imot Førde 3 til sin fyrste kamp for sesongen. I ein kamp der seieren kunne bikka begge vegar, vart det Førdelaget som kunne reise heim med ein 5-3 seier. 6.divisjon: A-laget tapte 2-1 mot Tempo, etter å ha gått opp i leinga i første omgang. G15/16 1.div: Tambargutane fekk det tøft mot eit godt Florølag på Naustdal stadion onsdag kveld. Gjestane leda 6-1 til pause, der sluttresultatet vart 9-1 til Florø 2. G12: Tambarlaget som gjekk gjennom serien i fjor utan tap, fekk det tøft i sin fyrste kamp for sesongen. Laget møtte eit spelande Florølag, og måtte innsjå at dei tapte 1-7 då dommaren bles av kampen. SMJ: Småjentelaget vann sesongpremieren mot Svelgen sist veke, men måtte gå av bana med null poeng i fredagens kamp mot Førde 4. Sjølv om Tambarjentene var det klart beste laget i andre omgang, vart det eit 1-3 tap. SMG: Smågutelaget spela mykje bra fotball då laget vann 5-2 mot Florø 3 på bortebane fredag kveld. Gutane lede 2-1 til pause, etter scoringar av Dan Joar Høyås og Elias Rognebakke. I andre omgang scora Elias nok ein gong, i tillegg til Sigve Longvastøl og Sivert Andal. Underteikna oppmodar trenere/oppmenn til å sende inn info frå spelte kampar med bl.a. resultat, stilling ved pause, målscorarar, m.m.
|
220511Sigve.jpg)
04.05.12 Kongleriket Cup Naustdal stadion 6.mai
Den fyrste, av ialt fire, Kongleriket Cup vert arrangert på Naustdal stadion søndag 6.mai. Nærmare 40 lag i klassane 2002-2005 spelar fotball på fem småbaner omlag heile søndagen. Alle laga får spele fire kampar kvar og det vert premiering til samtlige deltakarar. Kiosken er sjølvsagt åpen, og i tillegg vert det salg av frukt.
|
04.05.12 Tøff start for jentene mot Jølster
Jentelaget til Tambar Fotball åpna sesongen torsdag kveld med bortekamp mot Jølster. Tambar fekk ei verst tenkeleg start på kampen, der laget fekk nokre kjappe mål mot seg allerede etter få minuttar. Men laget rista av seg sjokket, og jobba seg godt innatt i ein spennande og målrik kamp. Les kva trenar Jan Magne Langedal skriv om kampen
|
01.05.12 Tambar tapte mot Tempo
Det var glimrande dag for fotball på stadion i dag, med sol frå skyfri himmel og flagget til topps, då Tambar og Tempo møttes til seriestart for 6.divisjon avdeling 2. Tambar åpna friskast i dagens kamp, og hadde komandoen mot gjestane frå Florø i fyrste omgang. Laget spela seg til mange sjansar, og i det 22.minutt fekk Andrè Sølvberg lagt inn på eit av sine mange raid frå venstrekanten. Inlegget gjekk via både Tambarspelarar og Tempospelarar, før Nicolai Sundbye fekk sett foten på ballen og i mål. Tambar forsette presset også etter ledarmålet, og kunne med litt meir hell ha putta fleire gonger. Istadenfor er det gjestane frå Florø som får seg ei redusering i sluttminutta. Ei lang avklaring frå Tempoforsvaret når ein Tempospelar på topp, som forserer fram mot Tambar sin sekstenmeter og set ballen bak Marius Herstad i Tambarmålet og utligning til 1-1. Dette vert også pauseresultatet. Andre omgang var berre to minuttar gammal då Tempo får tildelt straffe frå dagens dommer Ragnar Åmot. Tambarkeeperen feller Tempospelaren i det han misser ballen heilt ute på hjørnet av sekstenmeteren, og slik vi ser det er nok avgjersla frå dommaren rett. Tempo scorar greit på straffa, og har snudd kampen. Tempo tek meir over i andre omgang og har eit visst grep på etterkvart frustrerte Tambarspelarar. Men laget frå Florø er heller ufarlege framfor mål, og set ikkje Tambar på dei store prøvelsane framfor heimemålet. Tambar pressar på i siste del av omgangen, og har fleire brukbare sjansar til å utligne. Men ballen vil ikkje i nota, og skuffa Tambarspelarar må innsjå at det vert tap i sesongstarten då dommaren bles av for full tid. 6.divisjon avd. 2: Dommer: Ragnar Åmot Neste kamp: 15.mai kl.19.00 Førde 3-Tambar
|
29.04.12 Småjentelaget med seier i sesongåpninga
Tambar Fotball sitt småjentelag åpna sesongen med seier då laget spelte borte mot Svelgen sist fredag. Trenar Athina A. Karipi melder om kjempeflott innsats frå samtlege jenter. |
.jpg)
28.04.12 Tambar tek imot Tempo på stadion 1.mai
Tambar Fotball sitt A-lag gjer den siste finpussen på treninga søndag, før sesongen startar med årets første kamp på Naustdal stadion tirsdag 1.mai. Motstander er Florølaget Tempo, som av mange blir rekna som fovoritt til å vinne 6.divisjon avdeling 2. Tambar har hatt gode forberedelsar før sesongstart, og har ikkje spela mindre enn ti treningskampar i vinter/vår. Den siste treningskampen vann laget 4-1 mot Førde 4, eit lag som Tambar også møter i årets serie. Resultat frå treningskampane i år: Tempo-Tambar 3-1 Trener Tony Fagerdahl gledar seg til årets fyrste kamp på tirsdag, som er trenaren sin debutkamp i Naustdal og Norge! Fagerdahl har hatt ei stabil spelargruppe fram mot seriestart, og har kunne velje den 15 mann store troppen til fyrste sesriestart, blandt 23-24 spelarar.
Andreas Vatne, Kristoffer Fauske Helgås og Anrdè Sølvberg er spelarar som er teken ut til den 15 mann store troppen til kampen mot Tempo 1.mai.
Bli med å tipp sluttresultatet i kampen Tambar-Tempo og Tambar sin fyrste målscorar. Vinnaren stikk av gårde med ein saftig, velsmakande pizza frå PEPPES !
|
TIPP RESULTATET TAMBAR-TEMPO, VINN PIZZA !
26.04.12 Kongleriket Cup på Naustdal stadion 6.mai
Tambar Fotball er arrangør av den første Kongleriket Cup i år. 6.mai sparkar dei yngste fotballspelarane i gang sesongen på Naustdal stadion, der jenter og gutar i klassane 2006-2005-2004-2003-2002 er representerte. Minner Tambarlaga å melde på lag innan fredag ettermiddag (27.april). Påmelding sendast til Frank
|
25.04.12 Dommaroppsett for kampar på stadion mai-juni
Dommaroppsettet for kampar på Naustdal stadion i dei aldersbestemte klassane er no klare. Oppsettet gjeld for kampar i mai og juni i alle klassar minus gutelaget, som får oppnevnt dommer frå fotballkretsen. Dommaroppsettet vil også bli lagt inn i kalender. Lagets oppmann kontakter kampdommer 1-2 dager før kampdag. Om dommere har behov for å kontakte trener/oppmann, finn ein telefonnummer HER. Dommeroppsett - oversikt over klubbdommere
|
23.04.12 Tambar Fotball arrangerer dommarsamling
Tambar Fotball arrangerer dommersamling i Naustdalshallen tirsdag kveld, der laget sine klubbdommarar får friska opp att ein del av reglane som skal fyljast når sesongen no startar. Dommarar som har gått tidligare klubbdommerkurs bør delta på denne samlinga. Andre som ynskjer å dømme aldersbestemt fotball er også velkommen, og særleg jenter ynskjer vi fleire av. Veit du forresten at du får betaling for å dømme aldersbestemte kampar? Info om samlinga: kontakt Frank på tlf. 95 79 60 41
|
22.04.12 A-laget med grei seier mot Førde 4
A-laget tok ein grei seier mot Førde 4 i dagens treningskamp på Naustdal stadion. Trenar Tony smilte i perioder om kapp med sola til det gode spelet Tambarlaget til tider viste i dag. Men laget burde ha scora mange fleire mål utifrå dei utallige sjansane dei skape mot laget frå Førde. Treningskamp 1-0 Iben Munkvoll
|
22.04.12 A-laget spelar treningskamp mot Førde 4 i dag
A-laget gjer seg klar til sin tiende treningskamp då dei møter Førde 4 på Naustdal stadion i dag. Dagens motstander møtte Tambar tidlegare i vinter, og den gongen vart det 2-1 seier. Dette vert mest truleg den siste treningskampen før sesongen startar, då laget møter Tempo heime 1.mai. Kampen i dag startar kl.16.00. Dagens tropp og resultat frå tidligare treningskampar
|
22.04.12 Gutelaget tapte mot Førde 1
Gutelaget spelte ein bra kamp og var heilt på høgde med Førde 1 då laga møttes i den fyrste seriekampen for året på Naustdal stadion lørdag. Men det er måla som avgjer fotballkampar, og Førdelaget var meir effektive enn heimelaget i denne kampen, og kunne gå av bana med ein 4-1 seier. Daniel Grimset Kvalvågnes scora Tambar sitt mål i andre omgang. G15/16 1.div 0-1 Førde
|
21.04.12 1.divisjon G15/16: Tambar-Førde 1 i dag
Årets sesong startar på Naustdal stadion i dag, då Tambar Fotball sitt gutelag tek imot Førde 1. Tambarlaget spelar i år i 1.divisjon G15/16, der det er venta hard motstand frå bl.a. lag som Sogndal, Florø, Bjørn og dagens motstander Førde 1. Møt opp på Naustdal stadion i dag og støtt gutelaget..
|
19.04.12 Daniel utteken til Regionssamling i Bergen
Tambarspelar Daniel Grimset Kvalvågnes fekk i går beskjed at han var blitt teken ut til Regionssamling i Bergen 4. og 5.mai. NFF Region er ein del av den nasjonale spelarutviklingsmodellen i Norges Fotballforbund og utgjer det nærmeste nivået under våre yngste aldersbestemte landslag Daniel har i vinter også blitt utteken på Sogn og Fjordane sitt kretslag, og han har vore på samlingar med Toppgruppa i Sogn og Fjordane. Daniel har scora jamt og trutt med mål på dei aldersbestemte laga til Tambar dei siste åra, og det er ikkje utan grunn vi har gitt han namnet " målgarantisten ". I slutten av mars fekk Daniel sin debut på Tambar sitt A-lag, der han scora 3 mål i sin fyrste kamp. Han har spelt ytterliggare to treningskampar for A-laget, og målgarantisten scora sjølvsagt i begge dei kampane også. Vi gratulerer Daniel med uttaket og ynskjer han lukke til vidare !
|
16.04.12 Treninga for miniputtane startar i dag
Treningane for miniputtlaga startar opp att på stadion i dag kl.17.00. Fotballtreninga for desse laga er eit samarbeid med Idrettskulen, og mandagar framover vert det fotballtrening på bana. I tillegg vert det aktivitetar på Idrettsskulen på torsdagar framover. Miniputt er gutar og jenter fødd 2005/06 - 2004 - 2003 - 2002. Banefordeling:
Bane 1 og 2: Nærmast skulen
|
16.04.12 A-laget med storseier mot Atløy
Tambar var det beste laget og hadde full kontroll på laget frå Atløy i søndagens treningskamp på Naustdal stadion. Vi fekk igjen sjå mykje bra spel frå 6.divisjonslaget, der to av gutespelarane fekk vist seg fram også i denne kampen. Refferat og nokre bilder frå kampen finn du her
Jentelaget tapte mot Askvoll/Holmedal I ein treningskamp i jenteklassen, J15/16, tapte Tambar 2-0 mot Askvoll/Holmedal søndag ettermiddag. Kampen vart spelt på Naustdal stadion.
|
14.04.12 A-laget og Jenter 15/16 spelar treningskamp på stadion
Det blir spela to treningskampar på Naustdal stadion i morgon ( søndag ). Fyrst ut er jenter 15/16 som møter Askvoll/Holmedal kl.13.00. Dette vert den andre treningskampen for jentelaget i vinter/vår. I den fyrste vann Tambarjentene 3-0 mot Gaular. A-laget har spelt heile åtte treningskampar etter jul, og møter i dag Atløy i sin niande. Kampen mot divisjonskollegaen startar kl.18.00 på Naustdal stadion. Troppen til A-laget mot Atløy og resultat frå dei andre treningskampane til laget i vinter
|
11.04.12 Endringar på treningstidene på bana
Frå og med neste veke, vekenummer 16, vert det nye treningstider for alle laga i Tambar Fotball. Endingane er som fylje av at sesongen snart er i gang, og at vi vil ha minst mulig krasjer mellom treningar og terminfesta kampar på stadion. Vi ber trenarane og oppmennene gjere seg kjend med tidene til sitt lag, og formidle dette vidare til spelarane i god tid før den endra treningstida trer i kraft. Spørsmål vedr. dei nye treningstidene kan rettast til Frank, tlf.: 95 79 60 41. |
09.04.12 Tap for Tambar mot Breimsbygda
Tambarspelarane var fortsatt i påskemodus då dei spelte treningskamp mot Breimsbygda på Reed stadion i dag, og vertane frå Breim kunne gå av bana med ein 4-2 seier etter ein "godt under pari"-kamp frå Tambar si side. Gutespelarane gjorde jobben sin, og vèl so det, i debuten sin på A-laget. Både Ola Rognebakke, Daniel Grimset Kvalvågnes og Martin Skilbrei viser at dei hevder seg fint ilag med seniorane, der Martin vert kåra til lagets bestemann etter ein fin-fin kamp. |
08.04.12 Breim-Tambar og Rosenborg-Sogndal 2.påskedag
A-laget gjer seg klar til sin åttande treningskap for vinteren. I morgon, 2.påskedag, dreg laget til Nordfjord for å møte 6.divisjonslaget Breimsbygda. Breim melder om flotte speleforhold på Reed stadion, på kunstgraset som vart lagt så seint som i fjor haust. Tambar reiser med ein 17 mann stor tropp til Breim, og i troppen finn vi blandt anna gutespelarane Daniel Grimset Kvalvågnes, Ola Rognebakke og Martin Skilbrei. Dette vert debuten på seniornivå for Ola og Martin, medan Daniel fekk sin i ein treningskamp mot Hyen på Naustdal stadion tidlegare i vinter. Og for dei som ikkje hugsar korleis debuten for Daniel enda, nemner vi at han scora tre mål i den kampen. Kampen på Reed stadion starta kl. 16.00. Meir om A-laget
Også Sogndal dreg nordover for å spele treningskamp 2.påskedag, hakket lenger nord enn Tambar. Lerkendal stadion er staden det skal kjempast om nye poeng i Tippeligaen, der Med seier og uavgjort i dei to fyrste kampane av årets Tippeliga, har Sogndal fått ein god start. Utan tap og utan baklengsmål og med 4-0 i målskilnad, gjer at laget toppar tabellen når 3.serierunde startar 2.påskedag kl.18.00. Vi har trua på at laget reiser frå Trondheim med poeng, har du? Følg Rosenborg-Sogndal 2.påskedag kl.18.00
|
08.04.12 Oppdaterte linkar
Linkar til alle lag i Tippeligaen, 3.-4.-5.-6.divisjon menn Sogn og Fjordane, 2.-3. og 4.divisjon damer Sogn og Fjordane for 2012-sesongen er no oppdaterte. |
06.04.12 Bilder frå SSF Tambar Cup 24.mars
Bedre seint enn aldri: her kjem bilder frå den siste SSF Tambar Cup som gjekk av stabelen i Naustdalshallen lørdag 24.mars.
|
31.03.12 Daniel med heile 6 mål for kretslaget i dag
Det er ikkje berre Tambar Fotball som får nyte godt av gutespelar Daniel Grimset Kvalvågnes sine gode målscorarferdigheiter. I dag spela han på SFFK sitt kretslag som har samling på Nordfjordeid, ilag med Tambarspelar Ola Rognebakke. Team Søre var dagens motstander, og der våre gutar og kretslaget kunne gå til pause med ein konfortabel 8-0 leiing. Og Daniel viste her fram sine spisskompetanse til gangs, og sette ballen i nota heile 6 gonger. Det blir rapportert at både Ola, som var kaptein på dagens lag, og målgarantisten Daniel gjorde sine saker svært så bra på Eid Idrettspark. For ordens skuld nemner vi at kampen enda 13-0, der begge Tambargutane vart bytta ut ved pause.
|
28.03.12 Resultat frå treningskampar
Tirsdag 27.mars: J15/16 Tambar-Gaular 3-0 Onsdag 28.mars: G15/16 Tambar-Førde 0-7 Tambar sitt a-lag vann 5-4 mot Jølster 2 i ein treningskamp i kveld. Tambar fekk ein god start på kampen og leda heile 3-0 etter omlag 25 minuttar ut i første omgang. I denne perioden spela Tambar ut motstandaren og det var stort sett spel mot eit mål. Etter den fine starten , slokna Tambar noko og Jølster 2 kom meir med i kampen. Det resulterte med at heimelaget var frampå med tre kjappe scoringar før pause, og laga var like langt med 3-3. Tambar scora to mot Jølster 2 si eine scoring i andre omgangen, og gjorde at Tambar kunne gå av bana med 5-4 seier mot 5.divisjonslaget. Tambar måtte klare seg utan dei to faste målvaktene til denne kampen, og to av spelarane på Tambar sto kvar sin omgang ! Tambarspelarane vann sin tredje kamp på rad, og har etterkvart funne ut kor målet står, og står med 14-5 på dei tre siste kampane. Heile laget gjer ein solid jobb ute på bana, der det er ein utruleg guts og innsats i laget. Nicolai Sundbye får ein ekstra pluss etter kveldens kamp. Måla til Tambar kom ved Andrè Sølvberg (2), Nicolai Sundbye, Jørgen Helgheim og Gunnstein Vefring. Tambar hadde med desse spelarane mot Jølster 2: Andreas Vatne
|
25.03.12 Storseier mot Hyen
Vi fekk sjå mykje bra fotball frå heimlaget, då dei i kveld møtte Hyen til treningskamp på stadion. Særleg var innhoppet til gutespelar Daniel Grimset Kvalvågnes svært positivt, der han som vanleg visste kor målet stod. Også Jørgen Helgheim spela ein god kamp i dag og gjekk av bana med både scoring og assistar. Olav Hundershagen gjorde comeback i Tambarmålet etter å ha vore borte frå fotballen ei tid. Han var trygg og god på ein heller roleg dag.
|
25.03.12 Odd-Sogndal og Tambar-Hyen spelar i kveld
Det er Tippeligastart for Sogndal i kveld kl.18.00. Motstander i årets fyrste kamp er Odd, og vi satser på 3 poeng blir med heim frå Skagerak Arena! Sogndal stiller med fyljande lag: Kenneth Udjus – Eirik Skaasheim, Jasmin Mecimovic, Hannu Patronen, Taijo Teniste – Tonny Brochmann, Henrik Furebotn, Stèphane Badji, Ørjan Hopen – Malick Mane, Ulrik Flo På benken sit: Leif Lysne, Eirik Bakke, Tore André Flo, Gustav Valsvik, Stefan Aase, Ruben Holsæter og Stian Dyngeland. Kampen kan du fylje live HER Tambar Fotball sitt A-lag Tambar har med denne troppen i dag: Anders Aase Kampen kan du fylje live frå tribuna på Naustdal stadion !
|
25.03.12 Tambargutar uttekne til sonelagsturnering 18.april
Tambarspelarane Elias Rognebakke og Marius Storevik er uttekne til sonelagsturnering for gutar fødd 1999 på Reed (Breim) onsdag 18. april. 13 spelarar er uttekne frå klubbar i Sunnfjordregionen, der Florø SK er representert med 5 spelarar. Førde har med 3 spelarar, Tambar Fotball 2, Eikefjord og Askvoll/Holmedal kvar sin. Kampane vert spelt som 7ar fotball på kunstgrasbana på Reed. Vi gratulerer spelarane med uttaket, og ynskjer dei lukke til !
|
 028Elias.jpg)
24.03.12 Tambar Cup i Naustdalshallen i dag
Tambar Fotball arrangerer den andre SSF Tambar Cup i Naustdalshallen i dag. Den fyrste Tambarcupen gjekk av stabelen i januar, for smågutelag, småjentelag, jentelag og gutelag. I dag er det gutar og jenter i klassane 2000 - 2001 - 2002 som entrar hallen, der fyrste kampen startar klokka 10.00. Her blir det full rulle og kampar fram til omlag kl.17.00, og som vanleg er det kiosk ved tribuna og kafèen er åpen.
|
23.03.12 Uavgjort for gutelaget mot Førde 2
Tambar Fotball sin mestscorande spelar dei siste åra, Daniel Grimset Kvalvågnes, var stadig ein trussel for forsvaret til gjestane frå Førde, i dagens treningskamp mellom Tambar sitt gutelag og Førde 2. Og Daniel fornekta seg heller ikkje i dag, og scora alle måla til Tambar der laga gjekk av bana ved kampslutt med 3-3 og uavgjort.
|
23.03.12 A-lag: Tambar vann 2-1 mot Førde 4
Tambar sitt A-lag spela til tider ut Førde 4 i treningskampen på Naustdal stadion i går kveld. Berre utur og uduglegheit frå Tambarspelarane, og ein god Førdemålvakt, gjorde at det ikkje sto både 2 og 3-0 etter kort tid i første omgang. Tambar viste også i denne kampen mykje bra spel, spelarane jobbar godt og det er ein hærleg "guts" i heile laget. Med litt meir ro og kreativitet framfor motstandarmålet trur vi at laget vil score mange mål i årets serie. Tambar gjekk opp i leiinga etter omlag halvtimen spelt i fyrste omgang. Andrè Sølvberg scora sikkert, etter å ha sprunge frå heile Førdeforsvaret på høgresida og sette ballen kontant i nota. Førde fekk si scoring like før pause, og 1-1 var også pauseresultatet. I andre omgang scora Henrik Hundershagen sikkert på straffe, etter at Tomas Andal vart felt på veg gjennom Førdeforsvaret. 2-1 seier til Tambar, som allerede søndag spelar ny teningskamp på stadion. Då kjem 6.divisjonslaget Hyen på vitjing.
|
21.03.12 A-laget og gutelaget spelar på stadion denne veka
Både A-laget og gutelaget har komen godt i gang med treningskampar, og denne veka spelar begge laga mot Førdelag på Naustdal stadion. A-laget møter divisjonskollega Førde 4 torsdag klokka 19.30, medan gutelaget skal bryne seg på Førde 2. Gutelaget sin kamp vert spelt på fredag klokka 18.00 Sjå A-laget sin tropp til kampen mot Førde 4
|
18.03.12 SSF Tambar Cup lørdag 24.mars
Tambar Fotball arrangerer sin andre SSF Tambar Cup for året lørdag 24.mars, og 17 lag inntek Naustdalshallen denne dagen. Cupen er for spelarar i klassane 2000 - 2001 og 2002. Det har vore langt færre påmeldingar til denne cupen i år, samanligna med andre år. Blandt anna er jentelaga nesten heilt fråværande, berre Tambar Fotball har med lag i J10/11. Synd for jentefotballen, men Tambarjentene får spele fotball på lørdag. Laget er sett inn i klasse G10. Kampane startar kl.10.00 og held fram til omlag kl.17.00 på ettermiddagen. Kamptida er sett til 11 minutter pr kamp, der alle lage får spele 4 kampar kvar. I hallen vil ein finne kiosk, og kafèen vil bli åpen heile dagen. |
18.03.12 Stortap mot Eikefjord
A-laget fekk ein skikkeleg på trynet då laget møtte Eikefjord til treningskamp på Eikefjord stadion i dag. Etter den oppløftande treningskampen mot 5.divisjonslaget Gaular på torsdag, kom Tambar seg ned att på bakken etter å ha møtt eit godt heimelag i dag.
|
17.03.12 Daniel og Ola møter Hødd i palmehelga
SFFK sitt kretslag møter i palmehelga gutelaget til Hødd. Fredag fekk Daniel Grimset Kvalvågnes og Ola Rognebakke beskjed om at dei var uttekne i den 16 mann store troppen.
|
15.03.12 Dette var bra, Tambar !
Det var god stemning i Tambarleiren etter kveldens treningskamp mot Gaular på Sande. Tambar fekk sin fyrste seier med nyetrenaren, ein seier som, etter ein svært god fyrsteomgang av Fagerdahl sitt mannskap, var fullt fortent. |
15.03.12 Påmeldingsfrist til SSF Tambar Cup fredag
Tambar Fotball arrangerer Sparebanken Sogn og Fjordane Tambar Cup lørdag 24.mars. Denne cupen er for gutar og jenter i klassane 2000-2001-2002. Som tidlegare Tambar Cuper vert det spelt med 5 spelarar på bana, inklusiv keeper. Laga får minst 4 kampar, og alle deltakarane får premie. Vi bruker regler for barnefotball innandørs. Fokus på Fair Play. Fristen for å melde på lag er sett til fredag 16.mars. Påmeldingsavgift: kr.700.- pr.lag. Ingen spelaravgift. Meld på lag til SSF Tambar Cup
|
14.03.12 Jevnt mellom Tambar og Eikefjord
Smågutelaget spelte sin fyrste treningskamp for året, då dei møtte Eikefjord på Naustdal stadion i kveld. Tambargutane fekk ein verst tenkeleg start på kampen, då Eikefjord leda 3-0 allerede etter eit kvarters spel. Men Tambar jobba seg godt innatt i kampen, og med to reduseringar til 2-3, var laget heilt på høgde att då laga gjekk til pause. I andre omgang følgte laga kvarandre utover i kampen. Tambar spelte i perioder mykje bra fotball, og kom til ein del gode målsjansar. Ytterliggare to mål klarte Tambargutane å lure inn bak Eikefjordkeeperen, medan Eikefjord enda med tre mål i denne omgangen. Dermed vart det eit knepent 4-6 tap for heimelaget. Måla til Tambar vart scora av Marius (3) og Sigve. Det vart absolutt ein godkjent kamp av smågutelaget i kveld. Halve laget debuterte med 11 fotball, og ein del av spelarane hadde litt plasseringsproblemar i starten. Men utover i kampen fekk laget vist fram mykje godt spel, og spelarane vart mykje sikrare på formasjonane. I tillegg hadde ikkje laget innbyttarar, noko som gjorde at samtlege fekk seg ei skikkeleg treningsøkt i kveld.
|
14.03.12 Tambarlaga i full gang med treningskampar
Mange av Tambarlaga er no i full gang med treningskampar før sesongen startar i mars/april. Gutelaget har allerede spelt fleire kampar, og spelar sin fyrste treningskamp på Naustdal stadion fyrstkomande fredag. Motstander i denne kampen er Jølster. A-laget er også bra i rute med treningskampane sine, og laget spelar sin tredje kamp borte mot Gaular i morgon. Smågutelaget møter Eikefjord på Naustdal stadion i dag. Dette blir den fyrste treningskampen til smågutane, der mange av spelarane får sin debut med spel som 11er fotball. Jentelaget har også planlagt sin fyrste treningskamp for året då dei møter Gaular på stadion tirsdag 20.mars. Treningskampar og etterkvart seriekampar vert fortløpande lagt inn i Aktivitetskalender for Naustdal stadion. G15/16 og A-laget sine seriekampar er no lagt inn i kalender. Aktivitetskalender for Naustdal stadion
|
12.03.12 Har du lyst på ein pizza frå Peppes?
Også i årets fotballsesong spelar Peppes Pizza på lag med tambar-fotball.com, og vi feirer det med gratis, valgfri pizza frå Peppes til ein av Facebook-tilhengarane våre. Gå til vår Facebook-side Tambarskjelvar IL - Fotball
|
11.03.12 Knepent tap for A-laget i dag
Tambar Fotball sitt A-lag tapte i dag treningskampen mot Sunnfjord Folkehøgskule. Gjestane frå Førde leda 2-0 til pause, og vann kampen 3-2. Bilder og meir om kampen finn du her
|
11.03.12 A-laget spelar treningskamp på stadion i dag
Tambar Fotball sitt A-lag spelar i dag sin andre treningskamp i oppkøyringa før årets sesong. Tidlegare har laget spelt mot Tempo, der dei viste bra takter mot laget som mange reknar som årets seriefavoritt. I dagens treningskamp møter Tambar elevar frå fotball-linja på Sunnfjod Folkehøgskule, eit lag Tambar også møtte til treningskamp i fjor. I fyrste treningskamp, 1-3 tap, fekk samtlige i troppen til Tambar prøve seg. Til dagens kamp har trenar Tony Fagerdahl teke ut ein tropp på 15 mann, og det blir spennande å sjå korleis Tambarlaget vil framstå etter å ha fått eit par veker med optimale treningsforhold på kunstgrasbana. tambar-fotball.com trur trenaren startar med fyljande lag i dagens kamp.
|
10.03.12 Daniel og Ola uttekne til toppgruppa
Tambarspelarane Daniel Grimset Kvalvågnes og Ola Rognebakke gjer seg stadig bemerka i kretssystemet i fylket. I februar vart gutespelarane uttekne til kretslaget og var på sin fyrste samling på Eid 25.-26.februar. Etter denne samlinga fekk Daniel og Ola beskjed frå Sogn og Fjordane Fotballkrets om at begge var blandt gutane som var uttekne til Toppgruppa i fylket. Toppgruppa består av 18 spelarar frå heile Sogn og Fjordane i klassane 1996 - 1997 - 1998. Toppgruppa har si fyrste samling på Sandane fyrstkomande søndag. Vi gratulerer gutane med flotte prestasjonar og ynskjer dei lukke til !
|
08.03.12 50% på ALLE fotballsko
Har du behov for nye fotballsko til sesongstart? Då kan du gjere eit kupp no!
|
08.03.12 - Rett kosthald gjer deg bedre på bana
Dei hadde nok nikka og vore einige om dei kunne, samtlige av dei tidligare ordførarane i Naustdal som hang på veggen bak tilhøyrarane i kommunestyresalen under onsdagens seminar om kosthald. For kveldens føredragsholdar, A-lagets trener Tony Fagerdahl, lovprisa kosten dei tidlegare orførarane voks opp på, i motsetning til mykje av den maten dagens generasjon et. Noko av fokuset på onsdagens kosthaldsseminar var retta mot den generelle folkehelsa, bl.a. der vi fleste får i oss alt for mykje av dei dårlege karbohydrata i tillegg til at aktivitetsnivået blir lavere og lavere. Mykje av fokuset denne kvelden var retta direkte mot idrettsutøvarar, og då til Tambar Fotball sitt A-lag. Fagerdahl gjekk her meir spesifikt inn på korleis dagsinntak av kosten bør være, både vedr. treningskvardagen til utøvarane og korleis forbreder ein kroppen før konkurranser som t.d. fotballkampar. Med rett kosthald meiner han at spelarane vil kjenne merkbare endringar på ytelse og konsentrasjon i kampar. I tillegg til deltakarar frå Tambar Fotball sitt A-lag, deltok også Aronsen frå Sparebanken Sogn og Fjordane, Jørn Helgheim som er leiar av Tambarskjelvar IL, Jan Magne Langedal som trener Tambar Fotball sitt jentelag, Anne Schei og Olaug Nordheim frå psykiatritenesta i Naustdal kommune og kommunelege Frida Bjørling Thomsen.
|
05.03.12 Skal gjere spelarane meir bevisst på kosthald
Med treningar tre gonger i veka og med fleire treningskampar planlagde i nær framtid, er spelarane til Tambar Fotball sitt A-lag i bra rute til sesongstart 1.mai. A-laget sin nye trenar, Tony Fagerdahl, er nøgd med kvaliteten på treningane, og er glad for at treningane no kan føregå på flotte forhold på kunstgrasbana. Trenaren har lang erfaring innan fotballen i Sverige, både som spelar og som trenar. I sine yngre dagar var han innom aldersbestemt landslag i Sverige. På tidleg av 90-talet spela han i Hammarby IF i Allsvenskan. I dei 10-11 siste åra har han vore trenar og spelande trenar for svenske lag i 3. og 4.divisjon, så det er ein godt skodd trenar vi har fått til bygda. I tillegg til fotballen driv Tony ei eiga bedrift, SANA Evolution, som har fokus på kosthald og folkehelse. SANA Evolution driv han ilag med sin sambuar, som for tida jobbar som lege i Naustdal. Bedrifta deira har stort nedslagsfelt, då både kommunar, helseforetag og idrettsutøvarar/lag er deira kundegrupper. Det kan også nemnast at SANA Evolution har hatt fleire av Sveriges toppidrettsutøverar innan langrenn, fotball og ishokey som sine kundar. Tony ynskjer at alle innan idretten skal bli meir bevisste på sitt kosthald, og A-laget har vore så heldige å få av hans kunnskap på felles føredrag som vil bli holdt onsdag kveld. Han understreker at dette ikkje har noko med lavkarbo-vinden som for tiden flyg over fylket og landet for tida. Tony seier sjølv: Äta är lätt men äter vi rätt?
|
04.03.12 Treningstider Naustdal stadion
Det er for tida gode trenigsforhold på Naustdal stadion, og fleire lag har flytta treningane sine frå hallen til kunstgrasmatta. Treningstidene på stadion er enno ikkje heilt klare, men underteikna har sett opp tider for lag som har signalisert ynskje om utetrening framover. Dei førebelse treningstidene ser slik ut: A-lag: Tirsdag 19.30-21.30, Torsdag 19.30-21.30, Søndag 13.00-15.00 Gut 15/16: Mandag 17.00-18.30, Onsdag 17.00-18.30, Fredag 17.00-18.30 Jente 15/16 - SMJ: Tirsdag 18.00-19.30, Fredag 18.00-19.30 SMG/G12: Tirsdag 18.00-19.30, Torsdag 17.30-19.00 * Treningstidene varer fram til sesongstart. Når kampane for sesongen er klare, vil treningstidene mest truleg verte endra. * Lag som ynskjer treningskampar på stadion framover, tek kontakt med underteikna for at kampane vert plotta inn i kalenderen. Aktivitetskalenderen for Naustdal stadion vil bli oppdatert med tider for treningar og kampar.
|
.JPG)
04.03.12 Gutelaget spelte seg fram til KM-finalen i dag
Tambar Fotball sitt gutelag 15/16 var einaste laget som representerte Tambarskjelvar i årets KM-sluttspel i Florø denne helga. Gutelaget var svært gode i KM-kvaliken i Høyanger tidleg i ferbruar, der laget feia all motstand av bana. I dagens KM-sluttspel var det sjølvsagt bedre motstand for Naustdalsgutane, men alikevel nådde laget heilt fram til finalen, etter å ha blitt nummer to i si pulje. I finalekampen venta Florø 1 som Tambar tapte 3-4 mot i dei innleiande rundane. Florølaget vart for sterke for Tambar i finalen og vann kampen 4-0 og kunne juble som KM-mesterar på heimebane. Tambargutane viser igjen at laget er solid, og kan være stolte av ein sølvpokal i årets KM-sluttspel. Resultat frå Tambar sine kampar: Eid - Tambar 2-1 Semifinale: Florø 2 - Tambar 1-2 |
01.03.12 Godkjent av seniorane, trass tap
Tambar Fotball sitt A-lag spela i går sin fyrste treningskamp for året, noko som også var fyrste gong spelarane fekk kjenne "graset" under knottane denne vinteren. Motstander var Tempo i ein kamp som vart spelt på den flotte kunstgrasbana til Eikefjord. Tambar var det klart beste laget i fyrste omgang, der laget overraska med mykje bra spel og gode bevegelsar, og der pasningsspelet til tider var svært så god. Forsvarsfiraren var trygge og gode, midbanspelarane hadde god kontroll og angriparane kom til mange gode målsjansar. På sidelinja fekk spelarane tommelen opp frå trenaren fleire gonger, som tydeleg var nøgd med mykje av det han såg. Tambar fekk si scoring etter omlag 30 minutter ut i kampen, der Nicolai Sundbye vart laget fyrste målscorar. Laget hadde med 19-20 mann til treningskampen, der det var bestemt at alle skulle få speletid. Difor vart også 2.omgang noko "rotete" og på langt så bra som fyrste omgang vart. Tempospelarane scora tre mål i denne omgangen, der minst to av scoringane burde vore avblåst for offside. No skal det seiast at kampens dommer var trener for Tempo, og utan noko som helst erfaring med dømming, stilte han sporty opp som kveldens dommer. Sjølv om Tambar måtte reise heimatt frå Eikefjord med tap i sin fyrste treningskamp for året, vart dette ei god gjennomkøyring for laget på kunstgraset. Trenaren fekk sjå spelarane i sitt rette element, og seier dette var viktig for hans vidare arbeid med laget.
|
27.02.12 A-laget møter Tempo i treningskamp på onsdag
A-laget er komen godt i gang med treningane etter at lagets nye trenar, Tony Fagerdahl, tok på seg trenarjobben for seniorane tidleg i februar. Laget har enno ikkje fått trena på krøllgraset på stadion, men ifylje trenaren er han nøgd med treningane som har føregått i hallen dei siste vekene, men ser samtidig fram til å få kome ut og trene laget. Rundt 20 spelarar har delteke på treningane, og trenaren ser fram til årets fyrste treningskamp som blir spelt i Eikefjord. Motstander er Tempo, laget som Tambar møter i sin fyrste seriekamp på Naustdal stadion 1.mai. Treningskampen mot Tempo vert spelt i Eikefjord onsdag kl.19.30. Tambar-seniorane har også avtale om ytterliggare to treningskampar, mot Gaular 15.mars og Eikefjord 18.mars. I tillegg til desse vert det jobba med endå nokre fleire kampar før sesongstart. Spelarstall, treningskampar og seriekampar for A-laget finn du her
|
22.02.12 Påmelding til SSF Tambar Cup 24.mars
Tambar Fotball arrangerer Sparebanken Sogn og Fjordane Tambar Cup lørdag 24.mars. Denne cupen er for gutar og jenter i klassane 2000-2001-2002. Som tidlegare Tambar Cuper vert det spelt med 5 spelarar på bana, inklusiv keeper. Laga får minst 4 kampar, og alle deltakarane får premie. Vi bruker regler for barnefotball innandørs. Fokus på Fair Play. Fristen for å melde på lag er sett til fredag 16.mars. Påmeldingsavgift: kr.700.- pr.lag. Ingen spelaravgift. Meld på lag til SSF Tambar Cup
|
20.02.12 Florø Fotball arrangerer Statoil Veslefrikk 2012
Florø Fotball inviterer fotballgutar og jenter i klassene 2000-2005 til årets Statoil Veslefrikk-turnering i Florøhallen 10.-11.mars. Turneringa vert spelt med fem spelarar på laget, inkudert keeper. Alle lag vil få fire kampar à 18 minutter, der kampane vert spelt på kunstgras. Alle spelarane får lagfoto i premie. Ynskjer Tambarlag å delta på Veslefrikkturneringa, dekker Tambar Fotball påmeldingsavgifta. Meld på lag innan 1.mars til Bjørn Hundershagen, tlf. 91 70 97 01. Mail: Til leiar
|
20.02.12 Daniel og Ola uttekne til kretssamling
Tambarspelarane Daniel Grimset Kvalvågnes og Ola Rognebakke var to av i alt nitten spelarar som gjekk vidare til kretssamlinga, då Sogn og Fjordane Fotballkrets hadde samling for gutespelarar fødd 1997 og 1998 på Eid sist fredag. Tambargutane er dermed innkalla til kretssamlinga som blir på Eid 25.-26. februar. Her er det lagt opp til treninger lørdagen, medan kretslaget skal bryne seg mot Eid sitt gutelag søndagen. Vi gratulerer gutane med uttaket og ynskjer dei lukke til.
|
Leitar du etter stoff som har vore publisert på sida ? KLIKK HER
_______________________
Handelshuset nord 2.et
57 83 37 37
_______________________
Handelshuset sør 2.et
57 72 05 80
_______________________
Handelshuset nord 1.et
57 83 26 97
_______________________
_______________________
_______________________
_______________________
.png)
_______________________
_______________________
Tambar Fotball Chat |
_______________________
|
_______________________
A-sponsor Naustdal stadion |
_______________________
_______________________
_______________________
