07.10.11 Frå stortap til storseier for gutelaget

Smilet på plass igjen: Etter stortap i Sogn sist veke, var smilet på plass att hos trenerne til Tambar
Fotball sitt gutelag i går. Frå venstre ser vi trenarane Henning Malones og Vidar Kvalvågnes. Til
høgre oppmann og matrialforvalter Helge Sølvberg.

Torsdag 29.september måtte gutelaget returnere frå Balestrand med heile 2-12, der heimelaget leda 4-1 til pause. Sjølv om Tambar dominerte stort i starten av kampen, fekk dei ikkje putta ballen der den skulle være. Det gjorde derimot Balestrand, som scora to kjappe mål i ein god Tambarperiode.

Etter pause vart det ikkje stort bedre for eit uvanleg tafatt Tambarlag der dei fleste spelte langt under deira eige nivå. Dermed kunne heimelaget nesten gjere som dei ville denne omgangen med heile 8 scora mål, mot Tambars eine. Henrik scora på straffe i fyrste omgang, medan Nicolai scora Tambar sitt mål i andre omgang.

Meir sprut i gutane var det i går kveld, då laget møtte Gaular på bortebane. Her var innsatsen og konsentrasjonen tilbake og som resulterte i storseier mot sjanselause Gaularspelarar.

Heile 5-1 leda Tambargutane til pause, noko dei dobla i andre omgang. Dermed kunne dei denne gongen returnere til Naustdal med ein solid 10-3 seier, etter at Gaular scora to mål i andre omgang.

Tambar sine mål vart sett inn av Daniel (4), Jørgen (2), Andrè (2), Henrik og Anders.

22.09.11 Feira bursdagen med to mål mot Førde 3

Bursdagsbarn og målscorer: Nicolai Sundbye fekk ein fin bursdag då han scora to mål mot
Førde 3 på Naustdal stadion torsdag kveld. Bildet er frå kampen gutelaget spelte mot Høyang.

Tambar Fotball sitt gutelag spelte nok ein god kamp på Naustdal stadion i kveld, då Førde 3 vart sendt heim med 5-1 tap.

Tambargutane åpna friskt, og scora to tidlege mål i fyrste omgang. Med nok eit mål til heimelaget i denne omgangen, kunne Tambargutane gå til pause med ei 3-0 leiing.

Andre omgang starta, ifylje oppmann Helge Sølvberg, med eit meir press frå Førdelaget. Men sjølv om bortelaget var meir med på notane, fekk ikkje laget sitt trøystemål før heilt på tampen av kampen. Men før det, hadde allerede Tambar vore frampå med to nettkjenningar.

Dermed fortset gutelaget seiersrekka si, og kunne i kveld gå av bana med ein flott 5-1 seier etter god jobb ute på bana av samtlege spelarar.

Nicolai Sundbye kunne i kveld feire bursdagen sin med to mål for Tambar, der Andrè Sølverg (2) og Erlend Malones var dei andre målscorarane i kveld.

16.09.11 Gutelaget med overbevisande seier mot Høyang

Målscorarane: Gutelaget slo Høyang med konfortable 5-0 i torsdagens kamp på Naustdal stadion. På bildet blir Jørgen
Helgheim gratulert etter å ha scora i fyrste omgang. Frå høgre på bildet ser vi tomålscorar Daniel G.Kvalvågnes, eitmål-
scorar Nicolai Sundbye og Andrè Sølvberg.

I ein jamnspelt start på fyrsteomgangen, tok Tambar meir og meir over då laget møtte Høyang til kamp på Naustdal stadion torsdag kveld. Tambar fekk prikka inn si fyrste scoring omlag midtvegs i omgangen, og etter ytterliggare to scoringar i fyrste omgang kunne laget gå til pause med ein fortent 3-0 leiing.

I andre omgang fortsette Tambar med mykje bra spel, og kunne i denne omgangen notere seg for to nye mål. Tambarspelarane kan takke keeperen sin, Simon Fålun, for at ikkje gjestane kom på scoringslista. I perioder pressa Høyangerlaget godt på, og berre godt keeperspel gjorde at Tambar kunne gå av bana med null baklengs og ein solid 5-0 seier.

Tambar fekk i kveld to tomålscorarar, då både Jørgen Helgheim og Daniel Grimset Kvalvågnes putta to kvar. I tillegg scora Nicolai Syndbye.

Foruten spelarane som er nemt, må det seiast at det var ein solid innsats frå samtlege spelarar i kampen, der alle bidrog til ein solid og fortent seier mot eit bra Høyanglag.

Duell: Nicolai Sundbye i duell med ein Høyangspelar. Nicolai scora eit mål for Tambar.

Midtbanesjef: Martin Skilbrei spela ein god kamp på midtbana for Tambar.

God kamp: Andrè Sølberg kom ikkje på scoringslista i denne kampen, men gjorde livet surt for
forsvaret til Høyang.

02.09.11 Gutelaget med haustens første seier

Tremålsscorar: Andrè Sølvberg vart mestscorande, med 3 mål, då Tambar Fotball sitt gutelag
vann heile 8-0 mot Gaular torsdag kveld. Bildet av Andrè er henta frå fotoarkivet.

Etter to knepne tap for gutelaget i haustsesongen, slo gutane til med målkalas i den tredje då laget hadde besøk av Gaular på Naustdal stadion torsdag kveld.

Med tre scoringar tidleg i fyrste omgang var det tydeleg at Tambargutane var svoltne på sin fyrste seier etter sommarkvilen. Og sjølv om Gaular var frampå ved nokre høve, var det liten tvil om kven som var det førande laget i kveld. For med ytterliggare tre scoringar før pause, kunne Tambargutane ta kvilen med ein solid 6-0 leiing.

I andre omgang flaut vel Tambar på den store leiinga dei hadde til pause og det vart kun scora to mål i denne omgangen, også desse var det heimelaget som stod føre. Dermed kunne Tambar kontrollere inn ein konfortabel 8-0 seier, der Tambarkeeper Simon Fålun holdt målet reint med fleire gode rdningar.

Andre Sølvberg vart mestscorande for laget i kveld med sine tre scoringar. Dei andre som scora i kampen var: Joakim Engebø (2), Daniel Grimest Kvalvågnes (2) og Henrik Hundershagen.

Fakta frå kampen har vi motteke frå oppmann Helge Sølvberg.

Tabell

14.06.11 Uavgjort for både gutelaget og A-laget

Poengdeling for gutelaget: Tambar spelte i kveld 2-2 mot Førde 2, der Anders Aase (t.v) scora
eit av måla til heimelaget. Nikolai Stølsvik (t.h) tok sporty rolla som keeper i kveldens kamp.
Bildet er henta frå ein kamp tidlegare i år.

Gutelaget spelte i kveld sin siste kamp for vårsesongen, då dei møtte Førde 2 på Naustdal stadion. Med fråvær av lagets sisteskanse, tok Nikolai Stølsvik sporty på seg rolla som keeper i kveldens kamp, ei oppgåve han mestra svært så godt, ifylje lagets oppmann Helge Sølvberg.

Rett nok måtte han sjå to ballar bak seg, ein i fyrste og ein i andre, der Førde 2 gjekk opp i 1-0 i fyrste omgang. Med ei utligning av Daniel Grimest Kvalvågnes gjekk laga til pause med 1-1.

Også i andre omgang var det Førdelaget som scora fyrst, og gjekk opp i ei 2-1 leiing. Anders Aase var frampå for Tambar midtvegs i omgangen og fastsette resultatat til 2-2, i ein omgang heimelaget hadde nok sjanser til å avgjere kampen til sin fordel.

A-laget leda 2-0 til pause mot Svelgen på Naustdal stadion i kveld, men måtte sjå at Bremangerlaget stjal med seg det eine poenget ved full tid.

Tambar fekk ein god start på kveldens kamp, der Kristoffer Hammarseth var frampå og scora sikkert tidleg i fyrste omgang. Tambar var det beste laget i fyrste omgang, og skape ein god del sjanser framfor Svelgenmålet. Men det vart med den eine scoringa til Kristoffer, og laga gjekk til pause med 1-0 til Tambar.

I andre omgang forsette heimelaget med bra innsats ute på bana, og omlag midtvegs ut i andre omgang var Kristoffer frampå med sin andre scoring for dagen. Med eit flott gjennomspel av Roger "Strekken" Edvardsen kunne Kristoffer enkelt sette ballen i mål bak Svelgenkeeperen.

Det såg no lyst ut for eit Tambarlag som hadde vore hakket bedre enn gjestane gjennom heile kampen. Men då Svelgen var frampå og reduserte kvarteret før slutt, skifta kampen noko karakter. No var det brått Bremangerlaget som hadde fått blod på tann og pressa Tambar på deffansiven dei siste minutta. Og presset til gjestane gav resultat, då dei fem minuttar før kampslutt passerte ein utrusande Tambarkeeper og sette ballen enkelt i mål.

Dermed enda kampen 2-2, eit resultat Svelgen må være godt nøgde med.

Ekspertpanelet på sidelinja kåra Tambar sin keeper, Joar Vefring, til banas beste !

10.06.11 Gutelaget vann 2-1 i toppkampen mot Førde 3

Scora og vann: Nicolai Sundbye (t.h) scora gutelaget sitt andre mål då laget slo Førde 3 på Naustdal
stadion torsdag kveld.

Tambar Fotball sitt gutelag møtte torsdag kveld Førde 3 til toppkamp på Naustdal stadion. Begge laga kjempar heilt i toppen av tabellen i klasse G15/16 2.divisjon avdeling 3, og etter kveldens kamp ligg dei to laga likt på tabelltoppen med lik poengsum når ein kamp i vårsesongen står att.

Ifylje oppmann Helge Sølvberg var det Tambar som åpna torsdagens kamp best, der ei tidleg scoring av Andrè Sølvberg førte heimelaget opp i ei 1-0 leiing. Tambar ver det klart beste laget i denne omgangen, og hadde god kontroll på gjestane frå Førde. Det gode og fine spelet resulterte i nòk ei scoring til Tambar, då Nicolai Sundbye midtvegs i omgangen var framme og dobla leiinga til Tambar. Fleire scoringar vart det ikkje i denne omgangen, og laga gjekk til pause med 2-0 leiing til heimelaget.

Ifylje rapporten vi har motteke, er det heller lite å sei om andre omgang. Spelemessig vart det ein svakare omgang spelemessig frå heimelaget si side, der Førdelaget i slutten på omgangen fekk med seg eit trøstemål og seier 2-1 til Tambar.

04.06.11 Gutelaget til B-sluttspel i Hydro Cup

Til B-sluttspelet: Henrik Hundershagen og Tambar Fotball sitt gutelag er vidare i B-sluttspelet
i Hydro Cup som vert arrangert på Sunndalsøra i helga.

Gutelaget fekk ein fin start på Hydro Cup då dei vann sin fyrste kamp mot Rival1 fredag kveld. I ein jamn kamp stod det 1-1 til pause, men Tambar avgjorde med ei scoring i andre og dermed seier 2-1.

Tidleg lørdag morgon vart Molde3 slegne med konfortable 5-0, etter at pauseresultatet var 2-0 til Tambar.

Lørdag føremiddag spelte Tambar sin siste kamp i puljespelet. Her vart det 2-0 tap mot Tomrefjord, laget som vann pulja og gjekk til A-sluttspelet.

Fredag kl.20:15: Tambar-Rival1 Resultat: 2-1 (1-1)
Mål: Joakim, Andrè.
Lørdag kl.09:00: Molde3-Tambar Resultat: 0-5 (0-2)
Mål: Andrè, Henrik, Ola, Nicolai, Daniel.
Lørdag kl.12:40: Tambar-Tomrefjord Resultat: 0-2

Meir om Hydro Cup

30.05.11 Gutelaget slo Jølster 4-1

Rydda opp: Tambarkeeper hadde god kontroll i kveldens kamp mot Jølster. Her har han nettopp
plukka ballen frå ein Jølsterspelar som prøvde å yppe seg.

Etter ein jamnspelt fyrste omgang kunne gutelaget kontrollere inn seieren i andre omgang, og laget kunne gå av bana med nye tre poeng.

Omlag 20 minuttar tok det før Tambar fekk si fyrste scoring i kveld. Men gjestane frå Jølster utligna få minuttar etter, etter at laget fekk tildelt straffe av kveldens gode dommer, Joar Vefring. 1-1 og uavgjort vart også resultatet til pause.

I andre omgang fekk laget eit spelemessig overtak og kunne notere seg for tre nye scoringar.

Målscorarar for Tambar i kveld var Andrè Sølvberg (2), Jacob Storevik og Gard Malones.

30.05.11 Historisk uttak, Jacob i Norgestoppen

Norges beste? Jacob Storevik er ein av landets
beste keeperar i 1996-klassen.

" Norge Fotballforbund ved landslagstrener Øivind Nilsen, fagansvarlig spillerutvikling Jan-Roar Saltvik, fagansvarlig keeperutvikling Jan Erik Stinessen og kretsenes spiller/trenerutviklere har tatt ut spillere født etter 01.01.1996. til Statoil Talentleir i Porsgrunn i perioden 29.juni – 3.juli 2011. "

Tambar Fotball sin gode keeper, Jacob Storevik, skreiv seg i dag inn i klubbens historiebøker ved å bli utteken til landslagssamling for spelarar og utfordrar i klasse 1996. Etter det vi veit har ingen Tambarspelar nokon gong blitt utteken på eit så høgt sjikt.

I hard konkuranse med landets beste 15 åringar, vart Jacob plukka ut til å delta på landslagssamlinga i Porsgrunn, også kalla Statoil Talentleir 2011.

Jacob er utteken i utfordrargruppa, og spelar kampar mot G15-landslaget både fredagen og søndagen. I tilleg til kampane vert det treningsøkter med G15-landslag og G16-landslaget. Hovudtrener for utfordrargruppe G15 er den tidlegare storspelaren Christer Basma.

I tillegg til Jacob, er Simen Halvorsen frå Florø SK også utteken til utfordrargruppa i same årsklasse. I klasse 1995 er Florøspelaren Peter Aase utteken til G16-landslaget, det same er Førdespelar Sara Eriksen i klasse J15.

Sjå heile uttaket for landslag G15 og utfordrergruppe G15

Vi gratulerer Jacob så mykje og ynskjer han lukke til !

26.05.11 Gutelaget med ny storseier over Tempo

Målkalas: Gutelaget nedsbla Tempo på eige gras i kveld. På bilde ser vi tre av målscorarane,
f.v. Andrè Sølvberg, Jørgen Helgheim og Henrik Hundershagen.

Sist gutelaget møtte Tempo, kunne Tambar gå av bana med ein overbevisande seier og heile 10-1 i målprotokollen til fordel heimelaget.

I kveld møttes laga att til kamp i Florø, der det vart like mange mål som i forrige møte. Men denne gongen var det Tambargutane som scora alle måla då laget kunne returnere til Naustdal med heile 11-0.

Lagets oppmann, Helge Sølvberg, seier laget spela mykje bra fotball i fyrste omgang, og kunne gå til pause med ein fortent 5-0 leiing. Det gode pasningsspelet til Tambar fortsette i andre omgang der laget scora ytterliggare seks mål.

Dermed vart det ein ny kalasseier mot Tempo, der desse spelarane scora: Daniel Kvalvågnes(5), Andrè Sølvberg(3), Henrik Hundershagen(2) og Jørgen Helgheim.

Toppscorar: Daniel Grimset Kvalvågnes scora heile 5 mål i kveldens kamp mot Tempo.

20.05.11 Gutelaget slo Førde 2

Bilde: Gutelaget vann gårsdagens bortekamp mot Førde 2.

Tambar Fotball scora og tok leiinga allerede etter 14 sekundar i gårsdagens bortekamp mot Førde2. Sjølv om Førdelaget var frampå og reduserte etter få minuttar, hadde laget god kontroll i den fyrste omgangen, ifylje oppmann Helge Sølvberg. Tambar scora ytterliggare to mål og kunne gå til pause med ei 3-1 leiing.

Starten på andre omgang var noko tafatt av Tambargutane, og Førde2 fekk score både ein og to gonger før gutane frå Naustdal våkna. Og med tre raske scoringar i siste halvdel av andre omgang kunne Tambar kontrollere kampen ut med ein konfortabel 6-3 seier og tre nye poeng.

Måla til Tambar vart scora av Daniel G.Kvalvågnes (3), Andrè Søvberg, Henrik Hundershagen og Gard Malones.

18.05.11 To Tambarspelarar deltek i eliteturnering

Utteken til toppgruppa: Tambarspelarane Jacob Storevik (t.v) og Ola Rognebakke (t.h) er
uttekne til Sogn og Fjordane Fotballkrets si toppgruppe.

Tambarspelarane Jacob Storevik og Ola Rognebakke er uttekne til Sogn og Fjordane si toppgruppe som skal delta i eliteturneringa til Vard Haugesund 28.-29.mai. Her vil laget frå Sogn og Fjordane møte både nasjonal og internasjonal motstand i turneringa. Laget består av spelarar fødd i 1996 og 1997. Jacob er 96 modell medan Ola er 97 modell.

Vi gratulerer spelarane med uttaket og ynskjer dei lukke til !

06.05.11 Knepent tap for gutelaget mot Førde 3

Knepent tap: Andrè (t,v) scora eit mål mot Førde 3, medan Torje (t.h) ikkje spelte pga skade.

Gutelaget gjekk på eit knepent tap borte mot Førde 3 torsdag kveld. Førde gjekk opp i leiinga då dei fekk tildelt straffe, og auka til 2-0 som også var pauseresultatet.

Tidleg i andre omgang var det Tambar som fekk straffe. Andrè var sikker og reduserte til 1-2. Midtvegs ut i omgangen auka Førdelaget til 3-1, før Anders scora Tambar sin andre og fastsette resultatet til 2-3.

Tambar hadde ein noko tynn spelarstall til denne kampen, der verken Jacob (keeper) eller Erlend var med. I tillegg sleit Joakim,Torje og Martin B. alle med skader og hadde lite speletid.
Fakta er innhenta frå oppmann Helge Sølvberg.

28.04.11 Gutelaget med ny storseier

Toppscorer: Henrik Hundershagen er toppscorer på gutelaget, etter at han laga tr nye mål i kveldens
kamp mot Jølster. Bildet er henta frå kampen mot Tempo sist veke, der Henrik er på veg å forsere ein
Tempospelar.

Gutelaget utklassa på ny motstanderen sin, då laget i kveld vann bortekampen mot Jølster med heile 8-0. Som kjent vann laget heile 10-1 mot Tempo i sesongåpninga på Naustdal stadion sist veke, og har allerede fått ein solid målskilnad etter desse to kampane.

Henrik Hundershagen er toppscorar for laget med 7 mål, etter at han sette tre mål i kveldens kamp mot Jølster. Tambar sine andre målscorarar i kveld var Daniel Grimset Kvalvågnes med to nettkjenningar, medan Gard Nesje Malones, Nicolai Sundbye og Jacob Storevik scora kvar sitt.

Oppmann for laget, Helge Sølvberg, melder at laget leda 3-0 til pause, i ein kamp Tambar hadde full kontroll på.

14.04.11 Gutelaget med målkalas mot Tempo

Scora tre mot Tempo: Jørgen Helgheim (t.h) scora tre mål då Tambar Fotball sitt gutelag laga
målkalas mot Tempo i kveld.

Tambarlaga som starta sesongen denne veka har fått ein god start, der laga våre har "bøtta" inn mål og vunne kampane sine med store siffer. Gutelaget ville ikkje være noko dårligare då dei starta sesongen på Naustdal stadion i kveld.

Kveldens motstander, Tempo, skulle fort få oppdage at det ville bli ein tøff kamp, der forhåpningane om poeng mot angrepsvillige Tambargutar antakleg forsvann tidleg i fyrste omgang. For etter at Tambarspissen Jørgen Helgheim scora det fyrste målet i kampen, kunne vi ane at dette vart ein målrik kamp.

Tambar var frampå og scora tre mål til i fyrste omgang. Og med ei scoring til Florø, etter eit rett idømt straffe til gjestane, gjekk laga til pause med 4-1.

I andre omgang fortsette Tambar med sin offansive fotball, der laget rulla opp det eine angrepet etter det andre. Med heile seks scoringar i denne omgangen, fekk laget ein målrik sesongstart med heile 10-1.

Tambar sine scoringar vart sett inn av Henrik Hundershagen (4), Jørgen Helgheim (3), Gard Malones, Andrè Sølvberg og Joakim Engebø.

Nokre bilder frå kampen

07.04.11 Gutelaget med mange mål og full kontroll

Full kontroll: Gutelaget hadde full kontroll på kveldens motstander i treningskampen på
Naustdal stadion.

Førde 2 klarte ikkje å gjere treningskampen mot Tambar Fotball sitt gutelag spennande då dei møttes på Naustdal stadion i kveld. Til det var Tambargutane for gode og heimelaget hadde full kontroll på kampen frå fyrste til siste spark på ballen.

Lagets oppmann, Helge Sølvberg, fortel at Tambar gjekk til pause med ei grei 3-0 leiing. I andre omgang dobla gutane frå Naustdal, slik at kampen enda med heile 9-0.

Måla til Tambar i kveldens kamp vart scora av: Daniel (3), Andrè (3), Jørgen, Anders og Nicolai.

Nokre bilder frå kampen finn du her

Dette var siste treningskampen for gutelaget, som har fått grei gjennomkøyring med vekentlege treningskampar dei siste tre vekene. Neste torsdag skal det kjempast om poeng på Naustdal stadion. Då kjem Tempo på besøk til Tambargutane i sesongens fyrste seriekamp.

Her ser du sesongoppsettet til gutelaget