24.08.11 Tøff start for Jentelaget i haustsesongen

Mange mål: Det vart mange mål då Tambar møtte Dale i bortekampen på mandag kveld. Desverre
var det heimelaget som stod for dei fleste og vann heile 11-3. På bildet ser vi Tambarspelar
Silje Olin Yksnøy ( i grøn vest )i duell med ein Dalespelar, medan Solveig Jensen fyljer med i
bakrunnen.

Tambar Fotball sine eldste jenter har fått ein tøff start på årets haustsesong, og Tambarkeeper har desverre måtte plukke mange baller ut av eige nett.

Sist mandag møtte Tambarlaget Askvoll/Holmedal i ein framskutt kamp på Naustdal stadion, der jentene frå Askvoll kunne gå av bana med ein konfortabel 11-0 seier.

Mange mål vart det også i bortekampen mot Dale mandag kveld. Heile 11-3 vann heimelaget, etter å ha leia 4-1 til pause.

 

27.06.11 Jentelaget avslutta vårsesongen med 9-2 mot Årdal

Travelt mellom stengene: Årdalkeeperen fekk ein travel kveld på Naustdal stadion då Tambar
Fotball sitt jentelag laga målfest i siste kamp før ferien. På bildet er Tambarspelarane Eline
E. Cirotzki og Maria Slettehaug frampå men utan utteljing denne gongen.

I eit trist og grått sommarvær på Naustdal stadion, der vaffelsteikaren i bua hadde gløymt jobben sin, varta Tambarjentene opp med varmande målfest mot gjestane frå innerst i Sognefjorden, Årdal.

Allerede etter få minuttar spel var Tambar frampå og gjekk i leiinga med 1-0. Laget hadde god kontroll på Sognelaget gjennom heile fyrste omgang, der laget produserte "bøttevis" med sjansar. At laget berre scorar yttarliggare to mål i denne omgangen kan Årdalsjentene være svært så glade for.

I andre omgang skapte Tambarlaget også mange sjansar, og kunne med noko meir ro og konsentrasjon scora fleire enn dei seks måla dei scora. Årdal var frampå og klarte å putte to mål bak den innleigde småjentekeeperen, frk. Bygstad, utan at dette hadde noko som helst betydning.

Målscorarar for Tambar var: Iris Aase (3), Eline E.Cirotzki (3), Maria Slettehaug, Martine Herstad og Elly Kalland.

Dermed fekk Tambarjentene ein flott 9-2 seier i vårsesongens siste kamp. Viktig no blir å halde formen igjennom sommaren, så ein er klar til avspark att i august.

Nøgde trenarar og lagleiar: Trenarane Athina og Linda, ilag med
lagleiar, Ingunn, kunne konstatere at laget avslutta vårsesongen
med storseier over Årdal.

Nokre bilder frå kampen finn du her

 

07.06.11 Jentelaget med tap i Sogn

Scora trøstemål: Birgitte Ask Nordnes vart einaste målscorar på Tambar då Jentelaget tapte mot
Syril på Syril stadion mandag kveld.

Jentelaget måtte reisa skuffa heim til Sunnfjord att, etter å ha gjesta vakre og vene Syrstrondbygda mandag kveld. Dei var nok ikkje mest skuffa over å måtta forlate fylkes flottaste bygd, med epletrær og pæretrær i full bløming.........

Etter den oppløftande 8-0 seieren mot Hyllestad i forrige kamp, hadde nok både spelarar og trenar forventningar og håp om at turen heim etter kampen mot Syril skulle bli annaleis enn den vart.

Etter rapportane vi har fått frå kampen, var heimelaget det beste laget i fyrste omgang. Trenar Athina Karipi seier at innsatsen og spelet til jentene var i periodar fråverande og at Syriljentene fekk styre tempo og spel på grusbana på Syril stadion. Dermed var det fortent at laget frå Leikanger gjekk til pause med 3-0 leiing.

I andre omgang vart det i periodar meir trøkk i Tambarjentene, og laget hadde eit håp om bedring då Birgitte A.Nordnes var frampå og reduserte til 1-3 tidleg i andre omgang. Laget kom no til fleire store sjansar utover i omgangen, men avluttningane framfor Syrilmålet enda ikkje mellom stengene slik dei hadde håpa. Dermed måtte Tambar ta den tunge vegen heim med 1-5 tap i sekken, etter at Syril scora ytterliggare to mål i andre omgang.

 

24.05.11 Jentelaget sin fyrste seier, vann heile 8-0

Sesongens fyrste: Jentelaget tok sin fyrste seier for sesongen, der Catrine Nøstdal (bilde) var ein
av spelarane som tegna seg på scoringslista.

Jentelaget tok sin fyrste seier då laget tok i mot Hyllestad til kamp på Naustdal stadion i kveld. Heile 8-0 vart det for laget i sin fyrste seier denne sesongen, etter at dei hadde gått til pause med ein trygg 4-0 ledelse.

Tambar spelte til tider god fotball, med bra spel og gode pasningar framover på bana. Laget kom til mange gode sjansar framfor Hyllestadmålet, og skulle strengt tatt scora enda fleire enn dei åtte dei putta.

I forsvar hadde laget full kontroll, der Hyllestad berre fekk kome med nokre få, spede forsøk som gjekk utafor målet eller Tambarkeeper Karoline hadde få problem å rydde opp i.

Dermed vart det ein fin opptur for jentelaget, som i dei to fyrste kampane har tapt for Dale og AHIL. I dag var det ikkje tvil om kor seieren skulle hamne, berre kor stor seieren skulle bli.

Laget hadde i dag med to spelarar frå småjentelaget, Elly og Camilla, som begge to gjorde ein glimrande jobb for Tambar. Desse spelarane vil nok laget også få god nytte av utover i sesongen.

Desse spelarane scora for Tambar i kveld: Martine Mallasvik (3), Birgitte Ask Nordnes (2), Elly Kalland (2) og Catrine Nøstdal.

God dommar var Jan Petter Sæbø, som kasta frå seg hammar og sag og stilte på kort varsel som dommer til dagens kamp.

 

Sjå bilder frå kampen