3) Kva vil bli/er lagets styrke?
Samhaldet i laget er sterkt. Dette er særs viktig med tanke på trivsel og læringsmiljø. Av motstandarar har vi har blitt omtala som eit lettbeint, teknisk og ballsikkert lag. Dette tek vi som ein kompliment! Vi (Joar og eg) har også snakka ein del taktikk og formasjon med spelargruppa slik at dei veit korleis vi i trenarteamet tenkjer, og slik at vi får ei felles forståing for det vi held på med.

TRENARANE:

4) Du vil fungere som spelande trenar for sesongen 2010. Kven andre har du med deg i trenarteamet?
Trenaransvaret er likt fordelt mellom meg og "Årets Tambar-spelar 2008", Joar Vefring. Saman har vi teke rekrutteringsdommarkurs, og held no på med Trener I-utdanninga. Joar og eg har ei god forståing for kvarandre, og går særs godt overeins. 

Joar og eg er veldig opptatt av at alle spelarane har det bra, og er opptatt av at treningsmiljøet er sunt og frilynt. Vi har utarbeidd ei haldningskontrakt som samtlege spelarar har skrive under på. Vi er overbeviste om at det arbeidet vi legg ned i lagbygging vil påverke gruppa positivt, noko vi allereie har merka. 

5) Trenarene sine ambisjonar for årets sesong?
Joar og eg har hatt mange samtalar med spelarane i løpet av vinteren, og har på bakgrunn av dette ganske høge ambisjonar for 2010-sesongen. Spelargruppa sine ambisjonar er einstemmig opprykk. Sjølvsagt skal det for kvar bidige runde kjempast om tre poeng, men dersom vi er skjerpa i kvar ein kamp har vi trua på at vi kan vere med å kjempe i toppen, ja kanskje til og med om opprykket. Men med tanke på at vi i månadane oktober, november og desember verken hadde trenarar eller spelarar (nok) til å stille lag i inneverande sesong, såg det heile mørkt ut. No, ein månad før sesonstart, har pipa ein annan lyd. Vi kan ikkje vere noko dårlegare enn spelarane. Opprykk er målet.

6) Kven trur du blir det (dei) vanskelegaste laget å halde bak seg i årets sesong?
Florø 2 rykka, i likskap med oss, ned ifrå 5. divisjon i fjor. Eg ser på dei som ein sterk konkurrent. Elles verkar det for at Anga har forsterka laget sitt dersom ein samanliknar 2010-stallen med dei to føregåande sesongane. Hyllestad hamna på 2. plass i denne pulja i fjor, men eg trur Florø 2 og Anga, saman med oss, vil knive om førsteplassen i årets 6. divisjon avdeling 2. Samstundes skal det seiast at eg ikkje har den fjernaste aning om kvar Svelgen står, då dei har vore utan 11-arlag iallfall dei siste to sesongane.

OG FRAMOVER.....:

7) Tipp tabellen for 6.divisjon avd.2 ved sesongslutt 2010.
Det er umogeleg for meg å seie enno. Men av avdelingskollegaene våre, har vi så langt sigra mot Anga (2-0), nedsabla Gaular 2 (11-1) og tapt ufortent for FK Tempo (2-3). 

Eit skot i mørket:

1. Tambarskjelvar
2. Florø 2
3. Anga
4. Hyllestad
5. FK Tempo
6. Svelgen
7. Gaular 2


8) I kva divisjon spelar Tambar sitt A-lag om 5 år?
Det er ikkje godt å seie. Tambarskjelvar har mykje bra på gong i dei ulike aldersbestemde klassane. Det er viktig at seniorlaget til Tambarskjelvar held ein så høg standard som over hodet mogeleg med tanke på alle dei unge spelarane som kjem opp. Tilbodet i heimbygda deira må vere konkurransedyktige med klubbar i nabokommunane. Mykje kan skje på fem år, men dersom vi fortset å ha tru på det vi gjer, så sjå ikkje borifrå at vi snusar på opprykk til 4. divisjon!

9) Kva er din største draum for Tambar Fotball?
Eg håper at Tambarskjelvar IL - Fotball vil vere representert i alle dei aldersbestemde klassane på både gutte- og jentesida, i tillegg til seniornivå for både kvinner og herrar. Vi har ingen lange tradisjonar for fotball i Naustdal, då det alltid har kome i skuggen for sterke prestasjonar, både regionalt og nasjonalt, i vektløfting og volleyball. Men ein stad må vi starte. Forhåpentlegvis er vi i etableringsfasen av noko som kan bli stort. Det er viktig at lokalbefolkninga viser engasjement for fotballen, både på aldersbestemt og seniornivå.